შემოგარენი
საქართველო სამუდამოდ მოგაჯადოებთ
გაინტერესებთ ჩვენი კურორტის შემოგარენი? ეწვიეთ საინტერესო ადგილებს, ძეგლებს და ეროვნულ პარკებს, გაეცანით ადგილობრივ წეს-ჩვეულებებს, სამზარეულოს და ტრადიციებს.
გაინტერესებთ ჩვენი კურორტის შემოგარენი? ეწვიეთ საინტერესო ადგილებს, ძეგლებს და ეროვნულ პარკებს, გაეცანით ადგილობრივ წეს-ჩვეულებებს, სამზარეულოს და ტრადიციებს.
საქართველოს შავი ზღვის სანაპირო ზოლი საკმაოდ ფართოა და ის 315 კმ – ზეა გადაჭიმული (აფხაზეთის ჩათვლით). ეს გეოგრაფიული არეალი ცნობილია თბილი ზაფხულითა და არაჩვეულებრივი პლიაჟებით. კლიმატური პირობები ხელსაყრელია საცურაოდ წელიწადში 5-6 თვე, ხოლო თერაპიისათვის – მთელი წლის განმავლობაში.
კოლხეთის ეროვნული პარკი არის ჭარბტენიანი დაცული ლანდშაფტი. ის დაარსდა 1998 წელს. ქვეყნის ეს ნაწილი, როგორც ლეგენდარული კოლხეთი, დასახლებული იყო ძველ დროში, ჩვენს წელთაღრიცხვამდე დაახლოებით 2000 წელს.
პეტრას ციხესიმაგრე, აკროპოლისი მდებარეობს დასავლეთ საქართველოში, აჭარის რეგიონში, ციხისძირსა და ქობულეთს შორის, შავი ზღვის სანაპიროზე. ციხესიმაგრე განთავსებულია კლდოვან ბორცვზე, საიდანაც იშლება შავი ზღვისა და ქობულეთის სანაპიროს ულამაზესი ხედი. ციხესიმაგრე ღიაა ვიზიტორებისათვის.
მტირალას ეროვნული პარკი მდებარეობს ქობულეთის, ხელვაჩაურისა და ქედის მუნიციპალიტეტებს შორის. პარკი ქობულეთიდან 25 კმ-ითაა დაშორებული. ვიზიტორების ცენტრი განთავსებულია დაბა ჩაქვში. მტირალას ეროვნული პარკში მოწყობილია ადგილი, საიდანაც 220 მეტრის სიმაღლიდან შეგიძლიათ დაეშვათ ზიპლაინით.
კინტრიშის დაცული ტერიტორია მდებარეობს აჭარაში, ქობულეთის რაიონში და მისი საერთო ფართობი 13514 ჰექტარია.. იგი მოქცეულია მდინარე კინტრიშის თვალწარმტაც ხეობაში, სოფელ ცხემვანსა და ხინოს მთებს შორის, ზღვის დონიდან 300-2500 მ-ის სიმაღლეზე.
მახინჯაურის ბოტანიკური პარკი მდებარეობს ბათუმიდან 9 კმ. დაშორებით. ის გაშენებულია ზღვის დონიდან 0-220 მეტრზე, მდინარე ჩაქვისწყლის შესართავსა და მწვანე კონცხს შორის მდებარე სანაპირო ზოლის სამხრეთ-დასავლეთ მონაკვეთის დაახლოებით ერთკილომეტრიან ზოლზე და მოიცავს 108, 7 ჰექტარ ფართობს.
Discover the World’s Subtropical Flora
პალიასტომის ტბა მდებარეობს შავი ზღვის აღმოსავლეთ სანაპიროზე, ქალაქ ფოთიდან სამხრეთ-აღმოსავლეთით 10 კილომეტრის დაშორებით. ტბის მნიშვნელობა ნიშანდობლივია მეთევზეობის თვალსაზრისით, უნიკალურია ფრინველებზე დაკვირვებისათვის. პალიასტომის ტბა მოქცეულია კოლხეთის ეროვნული პარკის საზღვრებში.
შეკვეთილის დენდროლოგიური პარკი თავისი მასშტაბით, მცენარეთა უნიკალური და მრავალფეროვანი კოლექციით, ბიომრავალფეროვნების შემეცნებისთვის საუკეთესო გარემოპირობებითა და ორიგინალური განაშენიანებით, სრულიად გამორჩეულია არა მხოლოდ შავიზღვისპირეთში, არამედ მთელ რეგიონში.
ატრაქციონი „ციცინათელა“ 2006 წელს გაიხსნა და მას ყოველწლიურად უამრავი დამსვენებელი სტუმრობს. პარკში გასართობი ადგილები გათვლილია ყველა ასაკის ადამიანზე.
„ბლექ სი არენა“ საქართველოში ყველაზე დიდი საკონცერტო დარბაზია. მდებარეობს გურიაში, შეკვეთილში, შავი ზღვის სანაპიროზე. 30 000 კვადრატულ მეტრზე განთავსებული მუსიკალური არენა 10 000-მდე სტუმარს იტევს. „ბლექ სი არენა“-ზე ქართველი და ცნობილი უცხოელი ვარსკვლავების მონაწილეობით არაერთი კონცერტი გაიმართა მას შემდეგ, რაც ის გაიხსნა 2016 წელს.
ბათუმის საერთაშორისო აეროპორტი მდებარეობს სამხრეთ-დასავლეთ საქართველოში, აჭარის დედაქალაქ ბათუმიდან სამხრეთით 2 კმ-ში (1,2 მილი)
ქუთაისის საერთაშორისო აეროპორტი მდებარეობს იმერეთის რეგიონში, საქართველოს სიდიდით მესამე ქალაქ ქუთაისიდან 14 კმ-ში (8,7 მილი)
კავკასიონის ქედები მთელ საქართველოს იცავს ჩრდილოეთიდან წამოსული ცივი ჰაერის ნაკადისაგან , რაც ასევე. განაპირობებს შავი ზღვის სანაპიროს თბილ ამინდსა და ზომიერ ტენიანობას.
დასავლეთ საქართველოში, აჭარის ჩათვლით, გაზაფხულსა და შემოდგომაზე ნოტიო სუბტროპიკული ამინდია უხვი ნალექით, რბილი ზამთრით, ზაფხულში კი სასიამოვნო კლიმატით.
ქობულეთი ყველა მხრიდან დაცულია მთებით და რეგიონს აქვს სპეციფიკური მიკროკლიმატი ჯანსაღი ჰაერით.